Кам таъминланган оилалар фарзандлари касб-ҳунар коллежларида бепул ўқийди

Президентнинг 2018 йил 3 февралдаги «Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази фаолиятини такомиллаштириш тўғрисида»ги қарори қабул қилинган эди.

Мазкур ҳужжат билан Ўрта махсус касб-ҳунар таълими маркази фаолияти такомиллаштирилди.

Ҳужжатда касб-ҳунар коллежларининг молиялаштириш манбаларидан бири сифатида тўлов-контракт асосида ўқитиш учун тушадиган маблағлар ҳам кўрсатилган.

Тўлов-контракт қиймати Молия вазирлиги томонидан тегишли ташкилотлар билан келишилган ҳолда ўрнатилади.

Шу билан биргаликда кам таъминланган оилалардан бўлган ўқувчилар касб-ҳунар коллежларида бепул асосда ўқиши белгилаб қўйилди.